Måndag 21.4. serieåpnar A-laget heime mot hardtsatsande Kristiansund FK. Kampstart på Syltøran Stadion er kl. 17.00. Vel møtt!
Kristiansund FK (KFK) kjem på besøk til Syltøran måndag, og fjorårets serietrear i 4. divisjon (bak Træff 2 og Eidsvåg) har skumle hensikter denne sesongen. Laget har forsterka mykje, med spelarar som mellom anna Torbjørn Vik og Andreas Nielsen frå KBK, Ronny Svanemsli, Espen Belden Gjerde og Jonas Eriksen Røe frå CFK samt Pa Ousman Jammeh og David Dome frå Dahle.
Fleire av nykommarane har erfaring frå høgare nivå, og spesielt Torbjørn Vik, med sju sesongar og 123 kampar for KBK, og spel i Adeccoligaen så seint som i fjor, utmerkar seg. I løpet av hausten 2013 kom og tidlegare Molde-spelar Vidar Giske Henriksen heim til KFK frå Strindheim medan Morten Høvik meldte overgang frå divisjonskollega Frei - ein overgang som ikkje vart like godt motteke frå Frei-hald.
Vi på vår side har fått inn Ørjan Nes Haugen (Sunndal), samt tidlegare Surnadal-spelarar som Roy Bolme (Orkla), Hallvard Næss (Rindal), Petter Eidsli (Halsa/Valsøyfjord) og Terje Holden (NTNUI). Helge K. Drøpping og Steinar B. Heggset har meldt overgang til trønderklubben Byneset (4. div).
Med godt oppmøte og ein mild, nesten snøfri vinter har den unge spelargruppa vår hatt ei positiv oppkøyring, og no gler vi oss veldig til seriestart!
Surnadal sine resultat i oppkøyringa (våre mål først):
Sunndal (B) 2-1
Averøykam. (H) 4-0 (CUP)
Meldal (H) 2-2
Sunndal (H) 5-0 (CUP)
Rødde 2 (B) 5-1
Sunndal (B) 0-3
Totalt: 4-1-1 (18-7).
KFK sine resultat i oppkøyringa (KFK sine mål først):
Dahle 7-1
Træff 2 5-0
Nordlandet 4-2
Sunndal 4-1
KBK 2 4-2
Averøykam 0-1
CFK/KBK 3 3-0
Totalt: 6-0-1 (27-7)
Det er med andre ord duka for storkamp på Syltøran stadion på laurdag. Ragnar Ness frå Dahle er hovuddommar, medan Gøran Settemsdal og Per Gudmund Bøe frå Bøfjord IL er assistentdommarar.
Billettprisar:
Vaksne: 80,-
Honnør: 50,-
Barn under 17 år og SIL-spelarar slepp inn gratis.
Det vert sal av lodd og Gullbillettar på kampen, og vi oppdaterer som vanleg frå kampen på Twitter.
Her kan du melde deg på Facebook-eventen Surnadal-Kristiansund FK.
1. serierunde i 4. divisjon Nordmøre og Romsdal:
Mån 21.4. kl. 14.00: CFK/KBK 3-Midsund
Mån 21.4. kl. 14.00: Åndalsnes-Elnesvågen
Mån 21.4. kl. 17.00: Surnadal-KFK
Mån 21.4. kl. 18.00: Dahle-Eidsvåg
Mån 21.4. kl. 18.00: Tingvoll-Molde 3
Tys 22.4.: kl. 19.00: Vestnes Varfjell-Frei
Hugs og cupkampen Surnadal-Molde på Syltøran Stadion torsdag 24.4. kl. 18.00!
Vi ønskjer Kristiansund FK velkommen til Surnadal og Syltøran, og håpar så mange som muleg tek turen for å støtte laget i serieåpninga!
