Laurdag arrangerer Surnadal IL Innebandy full serierunde i Surnadal Idrettshall. I tillegg til seriekampar blir det lagt opp til at ungar som har lyst kan få mulegheita til å prøve seg i innebandy. Stor stas for heile familien!
I helga går tredje serierunde i 3. divisjon Møre og Romsdal i innebandy av stabelen, og arena er Surnadal Idrettshall.
Det vert kampar heile dagen frå klokka 09.15, og det vert og muleg å kjøpe seg kaffi, bakels, pølse, sjokolade, brus eller noko anna godt i kiosken.
Klokka 12.00 er det sett av tid til barn/yngre som har lyst til å prøve seg i innebandy, så vi håpar at så mange som muleg tek turen for å spele.
Surnadal IL, som ligg på andreplass på tabellen, møter Eide kl. 09.15, Sykkylven kl. 11.30, Volda kl. 14.15 og Molde kl. 16.30.
SIL stiller med følgjande tropp:
Målvakt: Ronny Husby
Backar: Henrik Blekken, Frode H. Raaen, Gøran Settemsdal, Geir Ove Bævre og Janis Balandins.
Forwards: Knut Bergli, Kjetil Rønning, Rickard Larsson, Terje Megård, Espen F. Vraalsen og Kay Roger Bævre.
Tabellen før helgas serierunde:
| 3.divisjon Møre og Romsdal - Herrer | |||||||||
| Lag | K | S | U | T | + | - | Dif | P | |
|---|---|---|---|---|---|---|---|---|---|
| 1. | Volda | 8 | 6 | 1 | 1 | 41 | 14 | 27 | 19 |
| 2. | Surnadal | 8 | 5 | 2 | 1 | 42 | 15 | 27 | 17 |
| 3. | Storm/Fosna | 7 | 5 | 0 | 2 | 47 | 22 | 25 | 15 |
| 4. | Sykkylven | 8 | 3 | 1 | 4 | 35 | 16 | 19 | 10 |
| 5. | Eide | 8 | 1 | 0 | 7 | 13 | 74 | -61 | 3 |
| 6. | Molde | 5 | 0 | 0 | 5 | 7 | 44 | -37 | 0 |
Lagbilde 2014.
